Tiranë, më 30.10.2020
Sigma Vienna Insurance Group fiton çmimin Günter Geyer për ndërgjegjësim social.
Vienna Insurance Group (VIG) është një kompani e cila ofron një gamë të gjerë produktesh dhe shërbimesh sigurimi në të gjithë Evropën Qendrore dhe Lindore. Me mbi 50 filiale, me rreth 25,000 punonjës në 25 shtete, VIG është një grup sigurimi i cili plotëson më së miri nevojat për sigurime në çdo natyrë biznesi.
Rrënjët e Vienna Insurance Group datojnë më shumë se 200 vite më parë në Austri dhe që prej vitit 2007 është prezent edhe në Shqipëri. Që prej vitit 2012, VIG nxit pjesmarrjen e punonjësve në aktivitete sociale në shërbim të shoqërisë, dhe për këtë qëllim, çdo vit vlerëson me çmimin Gunther Geyer, tre kompani të ndryshme të grupit. Ky është një çmim shumë i rëndësishëm për Grupin, duke qënë se ka dhe emrin e Kryetarit të Bordit të Grupit VIG.
Duke qënë pranë individëve dhe bizneseve prej kaq shumë vitesh, natyrshëm vjen dhe përgjegjësia e madhe jo vetëm ndaj klientëve të Sigma VIG, por dhe qytetarëve në nevojë. Kompania jonë ka qënë gjithnjë e ndjeshme ndaj këtyre rasteve, duke kontribuar për të lehtësuar sadopak gjendjen e tyre të vështirë.
Prej vitesh bashkëpunojmë me fondacionin “Fundjavë Ndryshe”, për të identifikuar rastet më në nevojë. I gjithë stafi i kompanisë ishte shumë entuziast kur u propozua që të ndihmoheshin një grup fëmijësh të fshatit Mamël, dhe të kontribuonim për transportin e tyre për në shkollë. Po aq entuziastë u treguan dhe aksionerët tanë në Vienë rreth këtij projekti, të cilin e vlerësuan me çmimin Gunther Geyer, në vlerën prej 20.000 Euro, të cilat duhet të përdoren përsëri në shërbim të komunitetit.
Ne e konsiderojmë arsimimin si themel i ndërtimit të një shoqërie të fortë dhe me vlera. Kjo ishte arsyeja për të cilën ne mbështetëm përsëri një projekt që ka të bëjë me forcimin e dijes. Ne shpresojmë që mobilimi i bibliotekës tek “Qendra e Solidaritetit”, i realizuar me këto fonde, të ndërtojë jo vetëm një koleksion të mirë librash, por një komunitet lexuesish të etur për dije.