Klaidi Çitozi
Z. Çitozi është pjesë e kompanisë që prej vitit 2003, tetë vjet nga të cilat si anëtar i bordit, dhe që prej vitit 2016 edhe si drejtues ekzekutiv i kësaj kompanie. Ai është aktuar i certifikuar dhe me përvojë të gjatë në fushën e marrjes në sigurim. Ai është një eskpert shumë i mirë në sigurime, ndaj dhe mbikqyr departamentet kryesore teknike në kompani siç janë ai i Menaxhimit të Riskut, Marrjes në Sigurim, Risigurimeve, Aktuaristikës, Financës dhe Marketingun.
Ervin Rali
Z. Rali ka një eksperiencë shumë të gjatë në sigurime, duke qënë dhe një ndër pionerët e kësaj industrie, veçanërisht në zhvillimet e teknologjisë që ka pasur tregu. Ai iu rikthye kompanisë Sigma VIG në vitin 2016 si Anëtar i Bordit të Drejtuesve të kompanisë, duke pasur në fokusin e tij veçanërisht shitjet dhe zhvillimet teknologjike, digjitalizimin dhe automatizimin e proceseve.
Artan Pjetërnikaj
Z. Pjetërnikaj iu bashkua Sigma VIG si Anëtar i Bordit Menaxhues në fillim të vitit 2021. Përpara kësaj periudhe, ai ishte i angazhuar në funksione të larta si drejtues në Policinë e Shtetit dhe në sektorin privat bankar. Në kompani është i angazhuar kryesisht me çështjet ligjore, mbikqyrjen e trajtimit të dëmeve, administrimit dhe burimet njerëzore.